Fjellsportfestivalen vert arrangert årleg i Fjellsporthovudstaden Sogndal – midt i hjartet av fjell- og fjord-Noreg.

Fjellsportfestivalen syner fram bygdi sine lokale naturkvalitetar gjennom spennande og utfordrande aktivitetar, tufta på kunnskap om trygg ferdsel i bratt vinterlandskap. Festivalen skal inspirera, motivera, utdanna, underhalda, utfordra, samla og engasjera dei som har mykje erfaring med vinterfjellsport, og dei som har lite eller ingen erfaring.

Fjellsportfestivalen er arenaen for utveksling av erfaring og kunnskap knytt til utøving av fjellsport på vinterstid, gjennom god formidling og sosiale møteplassar.