Endeleg er det klart for at kidsa får vise fram dei råaste triksa sine! Bli med på Rabbagast Open, og hei fram framtidas skikøyrarar!

Rakkar Open har vore ein suksess i mange år, og dei siste fire åra har vi også arrangert Rabbagast Open – ein skikonkurranse for dei minste. Dette blir ein uhøgtideleg konkurranse der løparar opp til 16 år kan vise fram dei råaste knepa sine i Rindabotn. Det blir maks plass til 20 deltakarar.

Obligatorisk løparmøte for alle deltakarar kl. 09.45 ved SGN-standen utanfor Dalalåven. Rennstart kl. 10.30 frå toppen. Det blir moglegheit for gjennomkøyring frå kl. 10.00 til 10.30. For deltakarane i Rabbagast Open blir det eitt run, og medaljeseremoni i målområdet etter at siste løpar har køyrt.

Som vanleg blir alle deltakarar oppmoda til å stille opp for å grave hopp osv. i forkant av arrangementet 

Oppmøtestad: Kalven, Rindabotn

Obligatorisk løparmøte: Kl. 09.45 ved SGN sin stand utanfor Dalalåven

Aktivitetsstart: Lørdag kl.10:30